31,08,2016
Сад Аллагьти пай вуганвай ,
Ч1улав цифер гъил таганвай ,
Алпанрини ц1ай ракъанвай ,
Чандиз гьахьтин са марф кандай.
Зун хьтиндан ван кудайвал ,
Пис начахтани чан гудайвал ,
Азият такур дуьнядал кьван
Тхудай са марф кандай.
Чилин къилел алай азаб ,
Рик1 гьак1 кузва хьана кабаб.
Бедендикни кумай къве к1араб ,
Къалурдайвал са марф кандай.
Зи гьалдикай хабар къадай ,
Фикирриз гьак1 ц1ай яна
Ахпа рик1яй пар акъуддай
Чандиз гьахьтин са марф кандай.
Гьа марфадин гьар са ст1ал ,
Зи чанда авай дердерин тал.
Къене хвенвай ягъаз патал ,
Вилин нагъв яз хьана кандай.
Марф кандай
© Copyright: Эльнара Ризванова, 2016
Свидетельство о публикации №116090705244
Свидетельство о публикации №116090705244
Рецензии