Т1игьиржал

Шахмардан Арран
Т1ИГЬИРЖАЛ

Гьикьван иер макан я
Рик1из масан Т1игьиржал!
Чи балайрин ватан я
Къафкъаздин хан Т1игьиржал!

Нефес я вун шагьвардин,
Гьевес я вун гатфардин,
Атир  гала зи ярдин
Ви чилик, чан Т1игьиржал!

Цавай гъетер авахьда,
Чилерлай нур алахьда,
Чал муьгьуьббат алахда
Ашкъи кьакьан Т1игьиржал!

Чубарукар хтайла,
Яран сувар атайла,
Чил цифеди гатайла,
Вид я девран Т1игьиржал!

Ширин я заз ви къужах,
Т1игьиржал, чан Т1игьиржал!
Серин я чаз ви яйлах,
Т1игьиржал, чан Т1игьиржал!


© Copyright: Шахмардан Арран, 2016
Свидетельство о публикации №116090105102
Список читателей / Версия для печати / Разместить анонс / Заявить о нарушении
Другие произведения автора Шахмардан Арран
Рецензии
Написать рецензию
Другие произведения автора Шахмардан Арран