БАЙ ВА КУСРИ
Деъган чаин думу бай,
Бейнава кусрийиан
Гъябгъюри шулу гьарай:
«ЧIикьрикь-пIикьрикь, уф – арай!»
Элеуру бай дид`ин,
Элеъруси даждиин;
Гагь, дапIну дидкан гьяйван,
Чархар йивуру хуллан.
Ккайи юкьуб ликрикан
Я кьюб ккурсру, ясан саб;
ЛакI дапIну, бали дидкан
АпIури шулу гьяса.
Кусри дубхьну а бизар,
Иццура дидин ликар,
ДацIабкну а юкьвнаан,
Адабгъна дидин аман…
Хъанара, элеъган бай,
Кусрийи ипну гьарай.
Гъапну: «ЧIикьрикь-пикьрикь, танхъ!
Ишурайва? Ари дахъ!»
Бай ва кусри
© Copyright: Эльмира Ашурбекова, 2016
Свидетельство о публикации №116083103322
Свидетельство о публикации №116083103322
Рецензии
