Бистнин мейвйирикан дургъунагъар

            
   БИСТНИН МЕЙВЙИРИКАН ДУРГЪУНАГЪАР


1)
 Бистниъ, алаъну чIимрар,
Ккеъна саб десте эскрар.
Амма чIимрар тIирхидар –
Сар эскрихьра декку хьтар.
                (Гулдин чиар)


2)
Зиълан - гергми чIварчIвли  чIвакI,
Дургъар али чуру маркI;
АйитI – тумран меш`вере,
Уьру шекерна шире.
                (Хумурзаг)


3)
Уччвудар кушар чуру
Улупура чан;
Ккебкна ярхи хъюхъ уьру -
АпIура начар.
                (КьутI)

4)
Кейванийин ккумрик ка
ТIил – вуйиб кIуларикан,
КIул – вуйиб силбарикан.

Му тIилнягъ гъагъар гъитIдар,
Му кIули фикир апIдар,
Му силби ипIруб чIвубкьдар.
                (Шаршар)

5)
Жил`ан удучIвна  тIурнар.
ТIурнариин – флин ибар.
Хъа ибарикк духьна жин
Гергми кIуларсдар цIикбар.
                (Кьян ва гъарпуз)


6)
Я руб хьтаршра , я убрушв,
КанчI ккивну варж кьуликан ,
Дибирхну чаз булушка,
Швуваз гъягъру лизи швушв.
                (Келем)