Начагь бубад нефес гузва гужунал,
Агакьнава саки эхир-уьхуьрар.
Мукьуз хьана зун,лап япал,жузуна,
Рикlиз кlани шеъ аватlа,лугьурай.
Гьа легьзеда дуьз хъгьана тан,къамат,
Саки адан тlал-квал вири атlана:
"Вил галамаз рекьида зун вичихъ мад...
Къурушрилай...жен,са хупl яд хкана..."
Кьисмет хьтин,са мирес-кар акl хьана,
Мугьман фена вине хуьруьз,хквезвай.
Аян тир хьиз,са шуьше яд хкана-
Яд акуна,бубадин чин хъуьрезвай...
Килигиз ам,шуьшедавай ятуз и,
Са геренар лап фикирри тухвана...
Ахпа,кьилиз чlугна,нефес атlузни,
Шербет хьтин ада а яд хваз хьана.
Къерехдилай фагьумиз,пагь атlана,
Хутхуз хьанач лугьуз-за гъам чlугвазвай.
Булахдин яд хвана,къенез фенатlан,
Адан вилер булах хьана,ргазвай...
...Вуч я има?Цlигелвал ян-Ватандихъ?
Мегер гьикьван кlеви жедан адан цlай?
Дегиш тежез ама,дуьнья,асантдиз...
Вугу жетlа гъурбатда чан,бес завай?
Са шуьше яд
© Copyright: Намик Фарзалиев, 2016
Свидетельство о публикации №116082703227
Свидетельство о публикации №116082703227
Рецензии