Зун зи рекьяй акъудна хьи таватди,
Гуьзелдин чин алук1навай жаллатди,
Буьркьуь хьана рик1 къакъудна къаматди,
Тек зи рик1из кьадар тир кьван муьгьуббат.
Зун я Межнун Лейли хьанач ярдикай,
Хьайт1ан Керем, Эсли хьанач ярдикай
Зун хьиз ашкъдин дели хьанач ярдикай,
Чи бадедин махар тир кьван муьгьуьббат.
Гьар гуьзелдив битев са гаф жедайд туш,
Гьар ашукьдив чуьнгуьрни тафт жедайд туш,
Гьар лепедал ник1един каф жедайд туш,
Рик1ин къене цацар хьана муьгьуьббат.
Заз вун кан я - лугьуз ярди гьар юкъуз
Элкъуьрнавай зи уьмуьрдин кьуьд гатуз,
Хаинвилив авуна зи кьил агъъуз,
Гьак1ан пич1и гафар тиркьван муьгьуьббат.
Чалах тир зун и савдадин икърардал,
Вучиз, эй яр, туна вуна рик1 дарда,
Ви дустари зи кьиникь ваз хабарда
Хаин дуьня, тапар тиркьван муьгьуьббат.
Муьгьуьббат
© Copyright: Шахмардан Арран, 2016
Свидетельство о публикации №116081808881
Свидетельство о публикации №116081808881
Рецензии