Кьуьзу хьана,ажуз хьанва зи буба,
Заз ам икlа гьич акуна кlандачир.
Адан и гьал,са чlавузни,за-туба,
Вуч фикирин-хиялдани кьадачир.
Ажуз хьана,кватнава,меселла,
Вилер туна,фагьумзава авладриз.
Лугьу тежез ама,гафар,мецеллай,
Муьтlуьгъ хьана ама,вичин кьадардиз.
Аял яз,заз акl тир хьи,са дагъ я ам,
Са затlни туш дуьнья адаз,и фана.
Ингье,гила гъуьр хьиз вилик ярх я ам-
Хуьтягь жезва эвягъ хьана сафанай.
Чуни ама гъиляй текъвез са затlни,
Къарагъариз чи дагъ кlвачел-авач гуж.
Са тlар яз-чаз чидай буба,аватна-
Месел ала-гьазур хьанва чан вугуз...
Кьуьзуь хьана зи буба...
© Copyright: Намик Фарзалиев, 2016
Свидетельство о публикации №116081807914
Свидетельство о публикации №116081807914
Рецензии