Рекьиз жедач садавайни, вуна зи чан кьин тавурт1а,
Гарар фидач патавайни, вуна т1урфан гъин тавурт1а.
Зи уьмуьрди цуьк хъийида кич1е тижез къаярикай,
Рик1ин къене ц1ай куьк1уьрна вун яргъариз фин тавурт1а.
Ви канивал дарман я заз, лукьманар гьич герекни туш,
Аллагьди чун негь ийида ашкъидикай дин тавурт1а.
"Канда" лугьун кьуру гаф я, адан кьулухъ рик1, чан герек,
Вучда пич1и рахунрикай, рик1е куз ифин тавурт1а.
Эй Шагьмардан, вучиз ви яр икьван иер тават хьана?
Гунагь жеда и гуьзелдиз гъезелар кхьин тавурт1а.
Тавурт1а
© Copyright: Шахмардан Арран, 2016
Свидетельство о публикации №116081608350
Свидетельство о публикации №116081608350
Рецензии
