Кьилел гуьрчег келегъа (а)лай,
Шагь дагъларин руш я зун.
Вич таватдиз ухшар авай,
Кьакьан дагъдин руш я зун.
Жуван Ватан гзаф кlандай,
Рикl хуравай руш я зун.
Чими къулав фу чразвай,
Шадвал кlани руш я зун.
Мукьва-кьили шадарзавай,
Квар къуьневай руш я зун.
Лезги халкьар садарзавай,
Чирагъ вацlун руш я зун.
Лезги чилин абур хуьзвай,
Кар гъилевай руш я зун.
Хуьре жезвай гьар са межлис,
Кьабулзавай руш я зун.
Руш я зун
© Copyright: Марьям Алискерова, 2016
Свидетельство о публикации №116081301245
Свидетельство о публикации №116081301245
Рецензии
