Яр акуна

Яр акуна къе яргъалай, заз килигиз наз гузавай,
Шад яз хъуьрез ийер вилер, перишанвал заз  гузавай.

Нагагь ч1урна авур икърар, йикъарикай йиф авуна,
Килигунри зи уьмурда перишанвал тваз гузавай.

Яваш-яваш, куьлуьз-куьлуьз къакъатзавай лап яргъариз,
А камари ажузарна зи рик1ив вич т1аз гузавай.

Вичихъ галаз тухвана рик1, азабар гуз эх тижедай,
Икрагьарна дуьнядикай, зав зи уьмуьр хаз гузавай.

Эй Шагьмардан,  дуьня са пад яр муькуь пад хьанайтирт1а,
Яр элкъвена килигайла ада тек вич кьаз гузавай.


Рецензии