Паркина

Зулун вядеяр я,тебиат битав
Къизилдин,алугна кузва,рангарив.
Текдиз экъвезва зун паркина,патав
Гзаф инсанар я,физ инихъ-анихъ.

Фадлай хтун тийиз авай зун иниз,
Итфакь яз гьатнава зи кlвач ина къе.
Пашман ян,шад яни-чидач атуниз,
Жуьреба-жуьре я гьиссерни рикlе.

Хиялри тухузва шумуд сар вилик...
Ингье,таниш тарни...заз карагзаван!?
Чун кьвед ацlукьнаваз гьа тарцин кlаник...
Ви вани,илигна гьизва,рахазвай.
   
Зул тир а чlавузни,гьавани серин,
Амма чи вижени тушир са затlни.
Чун авай къужахда,чими гьиссерин,
Акунтиз паркина мад чара садни.

И чlехи паркина чалайни гъайри,
Касар авайдикай чаз хабар тушир.
Чун чи аламдавай...акl машгъул тир хьи,
Садни пад-къерехда мад аквазвачир.

...Амма гила текдиз ацукьнава зун,
Басмишни хъейизмач зун а гьиссери.l
Де ша хци ама тек зи килигун,
Вирина жугъуриз,вун я,вилери.

Дикъетдив килигиз,вахъ къвекъвезва зун,
Кватlа лугьузни садак,ухшарар,
Гьич фикирни тийиз-ава кьуьзуь хьун,
Чарасуз вил физва жегьил рушарал.


25.01.16 г.