Завай жедач...

За лугьудач цавай гъетер кьада за-
Яргъал цавай гъед кьун залай алакьдач.
Фаргьада хьиз кацадив дагъ хада за-
Рагар падна,дагъ хун залай алакьдач.

Вуч файда я,тежер крар,алцуриз,
Хиве кьазни,ширин гафар ийин ваз?
Завай жеда,жуван гьиссер элкъуьриз,
Шиир я луз,какур цlарар кхьин ваз.

Завай,вацран экведик,из гуьруьшар,
Ацlукь жеда,вахъ галаз мет-метеваз.
Фагьумна цав-ал нурарин уьруьшар,
Къалгьур жеда,ви ухшар квай гъетер ваз.

Туьмер гуда за ви шуькуь тилериз,
Верци са фул кутада вак,юзурда.
Ви а гъвечlи гъил къачуда гъилериз,
Мукьуз жеда,тан ви тандик хкlурда.

Ви дидеди,эхвер гана,гьарайда,
Са кlус амаз,чун алайнив агатиз.
Гъед кьаз жедач,амма вун акl за кьада,
Такьат жедач ваз зи гъиляй акъатиз.

Завай жеда,кlвале,саки дуьшуьшдай,
Вакай рахаз,зи дидедин патав,хуш.
Белке вичи,за талгьанмаз,тlуб туьшда
Сифтедай вал,жугъурурла,хциз,руш.

...Завай жедач кьаз цаварай гъетер-ваз,
Де ша ширин теменриз за вун кьада.
Шагьид жеда зи севгидиз,ингье-варз,
Пехилвалда чал Ширинан Фаргьада.


18.12.15 г.