Чизва заз
Жувахъ авай акьул,жуван яракь хьтин чизва заз.
Заз чизва хьи,инсанди хьиз гьална кlанда уьмуьрни,
Ам цаварив вахгун кlани са гьакь хьтин чизва заз.
Кичlени туш,четинвилер-и уьмуьрдин рекьера,
Инсанвилин кукlуш къачуз синагъ хьтин чизва заз.
Вилиз акваз,акьулдини,кьатузва,зи,гьар са кар,
Дуьзен дуьз яз,дугун-дугун,дагъ-дагъ хьтин чизва заз.
Тапарризни,фитнейризни биши жеда зун тамам,
Вилиз такур кlвалах тийин,япахъ,хьтин чизва заз.
Тек са мез я авйдини-чlулавдаз чlулав лугьуз,
Лацуд-лацу,туракьни хьи,туракь хьтин чизва заз.
Пеше хьанач заз чарадкай гаф хкудаз экъуьруьн,
Ам итимдиз лайих тушир кlвалах хьтин чизва заз.
Ийервилиз ачух я зи рикни,руьгьни,вилерни,
Дуст-ашнавай кlвал гуьлуьшан са багъ хьтин чизва заз.
Намикан и рикlяй къвезвай гафар,кхьизвай царар,
Икl жувакай ийизвай са суракь хьтин чизва заз.
29.11.15 г.
Свидетельство о публикации №116072603756