Акъвазна вун са къерехдал шехьзава,
Куьз я има,вуч хьанава,ийер руш?
Вун иширун рикlи бес гьикl эхзава,
Лагь,ахъайна заз,жуван дерди-сер,руш.
Шехьмир,мажал,са герен,це вилериз,
Килигатlун далдамчидин гъилериз...
Мукьа-кьили агатнава кьуьлериз,
Шад я вири-мярекат я,мехъер,руш.
Мехъер вид я,вун хъуьрена кlанда къе,
Хвешивилер,гьевесар хьуй чанда къе.
Жеда рази зуни,хьайтlа мадни къе
Ви вилерал шадвилерин накъв,хъвер,руш.
Рикl хъуткьуниз шехьзава на,хьанач хьи,
Вун икl акваз,зазни мад гьал амач хьи,
Садани вун мажбур гъуьлуьз ганач хьи...
Заз гаф хьана,са чарадаз-кефер,руш.
Бахт икl хьана,кьисметни акl...лугьузни,
Вун адатриз муьтlугъ хьана акъвазмир.
Тек са гъвечlи тир ишара це зазни-
Катарин за-рази ятlа эгер,руш.
13.11.15 г.
Руш
© Copyright: Намик Фарзалиев, 2016
Свидетельство о публикации №116072603559
Свидетельство о публикации №116072603559
Рецензии