Гьайиф я

Рахамир куьн а дуьньядкай зи патав,
И дуьнья,и къар туна фин гьайиф я.
Масан я хьи,и дуьньядин гьар са чав-
Гад,зул,кьуьд,гатфар туна фин гьайиф я.

Квез акl межер заз кичlе я кьиникай,
Магьрум жеда лугьуз хъункай,тlуьнуькай...
Лугьуз авай гаф-регъуь туш,чиникай,
Кхьенвачир цlар туна фин гьайиф я.

Куьн гъавурда акьамир зун,чlурудик,
Дуьньед мал за кьада куьлу-шуьлуьдик.
Яшамишун чеб ийер я,чуьруьдик-
Тек са чlулав чlар туна фин гьайиф я.

Лугьузвач за,мални девлет кlан я заз,
Яхудни,буш тир,шан-шуьгьрет кlан я заз.
Тек себебдай са кlус муьгьлет кlан я заз-
Вил рекьемай яр туна фин гьайиф я.

Рикlе авай алагуьзлуь-чараз ваъ,
Дуьнья адан вилерай заз аквазва.
Зи уьмуьрдиз ийер нахиш хразвай-
Мугьубатдин зар туна фин гьайиф я.

Кьуна дуьнье,акъваз жедач,чида заз,
Кьабулда за,гьар са легьзе,савкьат яз.
Алахъда зун са кlус гьуьрмет таз жуваз-
Гьак са кьурай сар туна фин гьайиф я.


25.10.15 г.