"Заз кlанда вун",-лагьайтlа мад тlимил я,
Лугьу жедай кьадар туш зи ашкъи ваз.
Зи ашкъи кьуд пад таквазвай са гьуьл я,
Мезни ажуз я,зи гьиссер теснифаз.
Са булах я зи мугьуббат,кlаниди,
Чилерай ваъ,зи рикlяй кьил къачузва.
Хуьтягь жеда вацlуни яд,кlаниди,
Зи ашкъид вацl,югъ-къандaвай,ацlузва.
Заз вун кlанда лекьрез цавар кlандай хьиз,
Марф кlандай хьиз кьуранавай чилериз.
Заз вун кlанда ядни гьава кlандай хьиз,
Экв кlандай хьиз,буьркьуь хьанвай вилериз.
"Заз вун кlанда",-лугьуни гьич герек туш,
Бишибурни,акур,гьатда гъавурда.
Вун тахьайтlа руьгь руьгь туш зи,рикl я-буш,
Мумкин тиртlа,къазуна хур,къалгьурдай.
Зи ашкъ
© Copyright: Намик Фарзалиев, 2016
Свидетельство о публикации №116072602873
Свидетельство о публикации №116072602873
Рецензии