Сад лагьай гуьруьш
Эхир рази хьана-гана на къарар.
Са къалабулух я авайди рикlе,
Руьгьни секин туш зи,гьич авач кьарар.
Вилер чиле туна акъвазнава вун,
Къуьнелай вегьенвай киф тупlалай из.
Язух гьал ала вал-чилини цавун
Арада амазвай тек са етим хьиз.
Ви тандик фул ква,юзазва гъилер,
Зи рикlел аламач лугьудай гафар.
Кьил элкъвез,кlвачикай катзава чилер-
Кам вегьи хъжезмач,кьуд пад хьана дар.
Вуч я им,вучиз чун хьанва икlад кlис,
Суьгьуьрда гьатай хьиз амазва чун къе?
Им ятlа ашкъи луз авай чlехи гьисс?
Им ятlа сад лагьай азаб и рекье?
Сад лагьай гуьруьшда сад лагьай азаб...
Синемишзаватlа севгиди чун икl?
Кlанивал аватlа тухуз гьакь-гьисаб,
Шаквал кутазватlа гиламаз рикlик?
22.09.15 г.
Свидетельство о публикации №116072602616