Кьерева зун,вацlун патав акъвазна,
Килигиз я-физва ятар авахьиз.
Стlалариз,гьар са къванце акьазни,
Катзава вацl,чандик тади квай хьиз.
Ятар физва дуьньядикай бaйхабар,
Са чкайрал кlеви,санрал явашиз.
Вуч секин я икьван и вацl-бахтавар,
Жеда жал хьи,са дерт-гъамни авачиз?
Са легьзеда вил тухузва ятари...
Акl жеда,вацl акъвазнава чкадал.
Гузва зазни са секинвал стlалри-
Хкадариз жуван чина акьадай.
...Саки ятар чи уьмуьрдин варакьар,
Акъваз тийиз физва вичин рехъ кьуна.
Мад хкведач элячlин цин суракьар,
Уьмуьрдай фей йикъарни гьакl-элкъвена.
11.09.15 г.
Уьмуьр
© Copyright: Намик Фарзалиев, 2016
Свидетельство о публикации №116072602264
Свидетельство о публикации №116072602264
Рецензии