Уьхънен я.Цав михьи,ахлатнава циф,
Лагьана вичин гаф,акъатнава йиф.
Рагъни экьечlзава цlийи чим гваз,
Вил ягъаз,саки кlанз чахгалаз рахаз.
Дагълара жив амач,рагар кьецlил я,
Гуьнейрал къацудкай ранг ацукьзава.
Айвандин епинал са чубарукди,
Ийизва,муг кутаз чка,виливди.
Тевлейрай акъатур мал-къарадин ван,
Акахьна аялрин ванцихъни кубан...
Хуьрери,кlвалери ава са уюн,
Ийер я ахварай,хъуьтуьн,уях хьун.
Рикlери ава са шадвилин мани,
Гатфарар чаз мугьман атанва мадни.
04.09.15 г.
Гатфар
© Copyright: Намик Фарзалиев, 2016
Свидетельство о публикации №116072602160
Свидетельство о публикации №116072602160
Рецензии