Хуьруьн са югъ
Агъванава серин гарар.
Кхьиз,чlуруз лацу ччарар,
Ацlукьнава зун айвандал,
Хъсани руьгь ава чанда.
Хеб-мал катиз,катиз верчер,
Япаз тегьиз "сабагь","геже",
"Доброе утро","...день,вечер"...
Ина тамам маса гьал я,
Ина жуван дидед чlал я.
Чlехид,гъвечlид гьейетдалла,
Ван гьатнава-аялар я,
Секинвалин завалар я.
Вуч ийер я!Хупl ийер я!
Яшайишдин лап тегьер я.
Къвалавай са арх физава,
Ада багъдиз яд гъизава.
Заз,таниш тир ван,гьизава-
Кlушкlушариз ттаран пешер...
Гьич рикlел аламач шегьер.
Цлак ква накьвадин муг,
Гагь-гагь кlаник аватиз руг...
Кlуфар хъипи кьуд чубарукl-
Гуьзетзава дидедин рехъ,
Гьазур жезва къакъуниз рвехъ.
Цуькед гьатна-ни къвез,векьин,
Ягъадай вахт гьанва якъин.
Ширин чlавар рикlел хкин...
Самавурни ргана мад-
Ша чаяр хваз куьни агат.
Кьуд пад цуьк я,кьуд пад-къацу,
Ина рушар ийер,лацу.
За ийидач гафар яцlу...
Са ахвар я,са суьгьуьр я,
Им са югъ туш,са уьмуьр я.
07.07.16
Свидетельство о публикации №116071805111