Къезел
Авачир,кlандач асир-чан галачир чан жеда зун.
Зун йитим хьиз я,кудай касни авач зи гьалуниз.
Вун акур тек са сефер-бахтавар инсан жеда зун.
Зи акьул квахьда кьиляй,гьар вун акурла вилериз,
Регъуьни туш,дили межнун хьана,дастан жеда зун.
Жен чlулав и экуь дуьнья,са масад заз аквадач,
Низ чида,белке са къуз кьил кьуна,пашман жеда зун.
Зи ашкъидин гьуьлери мад чара сад хьун тавурай,
Ана масдан гимидиз цlай жеда,тlурфан жеда зун.
Физ-хкверкьани нефес,зун рази я вун гуьзетиз,
Белке са югъ жезатlа,вазни гьикlа кlан жеда зун.
Са муьтуьгъ лукl жеда ваз зун-туьтенай чан акъата,
Фана дуьнья,чидани ваз гьикьван мугьман жеда зун.
Вун малайик я,са руьгь хьи,кьейидал чан хкидай,
Хьайитlа чир,зи язух къвез-са кьурай тан жеда зун.
Кичlе я,амма хьи,Намик,кьада Аллагьдай ама,
Дини менсеб авачир гьакlни са шайтан жеда зун.
15.07.16
Свидетельство о публикации №116071805102