Зи бадедин тlвар ала вал,
Вуч ийер тlвар ян-Периназ!
Ви чандикай гьар са завал,
Яргъал хьуй,аман,Периназ.
Асулсуздахъ агат мейир,
Къадурсуздал вун гьалт мейир,
Зи ашкъидкайни кат мейир,
Вун ви ширин чан,Периназ.
Зар-зибаяр алукlзава,
Чlулав кифер виликзава,
Жейранди хьиз килигзава,
Ийизни гьейран,Периназ.
Жегьил я вун гьеле мадни,
Зи гафар ваз гьидач садни.
Акъатда гатфарни,кадни,
Кьуьзуь жеда тан,Периназ.
И дуьньядин нямет я хьи,
Амукьдай тек девлет я хьи,
Рикlиз кlани сугьбет я хьи,
Севги лугьур ван,Периназ.
Вун дидед вуж лугьуз хана,
Акур къалай зун я чlана.
И Намиказ хьухь вун суна,
Адаз я вун кан,Периназ.
Периназ
© Copyright: Намик Фарзалиев, 2016
Свидетельство о публикации №116071805046
Свидетельство о публикации №116071805046
Рецензии