Низами Гянджеви. Семь красавиц. Отрывок из Восхвал

Низами. Семь красавиц.(Отрывок из «Восхваление слова и о мудрости»)

Чилин гьамбардикай гьикьван тIуьртIани,
Адакай кими жеч гьич са мух кьванни.

Дуьняда гьа мух-мух кIватзавай инсан,
Вахгуда на абур, жемир эркиван.

Эгер къизил дуьгуьр, шем хьиз, ятIа хуш,
Хъуьрез-хъуьрез шехьун жедани ваз нуш?

Кефи хкажуник галатIани звер,
Пара хьун - шехьун я, тIимилдини - хъвер.

Гьар садаз са юлдаш, эрзиман ава,
Дуст ава, мукьва тир са инсан ава.

Инсандиз даяхди акьул я, гьелбет,
Акьул я гьар касдин гьам мал, гьам девлет.

Вуж агакьнавачтIа акьулдив вичин,
Чир хьухь, адал къведа аждагьандин чин.

ЧIалахъ хьухь, цицIи кас мелек, я мелек,
ЦицIивал иер я - жеда ваз куьмек.

Гьар са затI халикьди кхьенва пелел,
Адалай чара са вуч къведа кьилел?

Амма зегьмет къачу - тIвар хьурай михьи,
Женнетдин кагъулвал квез герек я хьи?

Сад, вичин кIвалахиз, лап ятIани шад,
Масадаз писвалда - чIана кас я мад,

Вуж адан дуст жеда - дегиш жеда тIул,
Ада чарабуруз килигда батIул.

Нин рикIе аватIа мили кIубанвал,
Адан кьисмет жеда тек са хъсанвал.

Алахъа, ви кIваче акIайтани цаз,
Секин хьухь, сабур хуьх, хъел татурай ваз.

(Перевод с фарси)