Секин туш къе Кусна дере
Селим ава хайи хуьре.
Кимел рахаз денгинава-
Сиясатдин женгинава:
"Дагъдин шарт1ар,хъуьт1уьн бере,
Мекьи жеда Къузадхуьре
Авачирла чимивал- газ
Хуьруьз хуьквез амач заз гьяз.
Зи дустарин гьайбат-кесер
Квез къурбанд хьуй,гице сесер.
Рехъни жеда,газни жеда,
Ч1урухъ ник1е къазни жеда"
...Дагълар ква мад живед к1аник,
Перишан я ч1урухъан ник.
Кимел рахай гада зурба,
Геж хьана хьи газдин турба !
Хуькведалди хуьруьз Селим
Тамир халкьар к1валер серин -
Кьамц1айрин ц1ай,къажгъан къулал,
Гьазур ая ч1ач1ах кавал !
Секин туш къе Кусна дере...
© Copyright: Сейфудин Шахпазов, 2016
Свидетельство о публикации №116061804727
Свидетельство о публикации №116061804727
Рецензии