Гуьзета зун,зун хкведа.
Гуьзета гзаф,
Гуьзета куткай береда
Гъамун хъипи марф.
Живери саврух авурла,
Гьава ргайла,
Масадбур гуьзет тахъвурла,
Накь къуз рикlелай.
Гуьзета,хкведач хьи,мад
Яргъарай чарар,
Гуьзетзайбур,вахъ галаз сад,
Хьайила бизар.
Гуьзета зун,зун хкведа,
Тlалабмир хийир
Низ вахт тирди чизваз жеда,
Рикlелай ийир.
Чlалахъ хьуй,зи хва.диде зи,
Зун амач лугьуз,
Дустар,галатна гуьзетиз,
Хьуй къулаз мукьуз,
Рикlел хкиз,туькьуьл чехир
Хъурай,датlана...
Гуьзета.Тади къачумир
Хъвазни гьакl,вуна.
Гуьзета зун,зун хкведа,
Кьиникьрин хъиляй.
Лугьуй,гуьзетначтlа гьида:
-Бахт хьана кьиляй.
Гуьзет тавурбуриз,чирни
Жедач,цlун къене,
Гьикlа ви а гуьзетунри,
Къургъна,зун хена.
Вучиз тек зун сагъ хтана,
Чун кьвед жеда чиз,-
Тежервал садавай,хьана,
Вавай,гуьзетиз.
К. Симонов
© Copyright: Намик Фарзалиев, 2016
Свидетельство о публикации №116061203831
Свидетельство о публикации №116061203831
Рецензии