М. Лермонтов Не уезжай лезгинец...

Хъфимир вун,жегьил лезги,вуч пара;
Тади я икl ваз,ви ватандиз хъфиз?
Галатнава балкlан,циф я дагълара;
Де ша ина ваз динжвални кlвал ава,
Вун кlанда зини рикlиз!..

Бажит фена са уьхънен яр несиб яз,
Гьиссер,женнет хьиз кьве йифе багъишай;
Ваъ,авач заз савкьатар:зун кесиб я,
Са руьгь ганва хьи,халикьди амма заз
Лап а ви руьгьдиз ухшар.

Чlимел йкъуз са,атанай вун иниз;
Кьежей япунжидин кlаник-гъамлу ччин;
Бажит гурлу нурар авай,ракъиниз,
Ихьтин са югъ гьамишалугъ заз,михьиз
Ийиз кlанда ваз мичlи?

Кьуд пад дагъ я,килиг вун,цlиргъ кутуна,
Гзаф зурба касар акъвазнавай хьиз;
Валар,яран нурар-либас алукlна;
Вучиз вилер я ви-писвалнач чна,
Лув гуз маса уьлкедиз?

Гьина кlани я чун,гьанаг я ватан;
Хайи дугунра экьечlдач,хъвер алаз,
Азиз вилерни,вилик ви,на лагьан;
Амукьа мад са югъ,сят хьайитlан,
Тек са сят! яб це заз!

-Авач захъ я ватан,яни хьи,дустар,
Балкlандилайни турунлай,зи,гъейри;
Бахтлу тир зун аваз,ви ашкъид къастар,
Вилерин ви,накъварвай зун,ятlани,
Хуьз жедач кьуна,асла.

Заланарна руьгь,кьин кьуна ивидал
Гьарна къвекъвезва зун шумуд йис,са кьил;
Авадриз тежер кьван иви,ягъидай,
Авач "кlанда" лугьур гаф,мецел гъидай,
Им зи жаваб!Къачу гъил!