Ферли касдин тариф авун герек я,
Бязи ксар са уьтери зирек я...
На лугьуди,авач са кас,фелек я...
Лезги чилел намус сифте герек я!
Магьрум тахьуй инсан вич са куьнихъни,
Файда жедач вун Кябедал финихъни .
Бахтсузвилин накъвар жеда вилерал,
Дертерин сел къвада,валлагь,гъилерал.
Бязибурув фурсарин харал жеда ,
Мецел къугъваз алчах гафар-чlал жеда...
Куьз фагьумдач,эй бенде,на вахтунда?
Эхир ви югъ эх тежедай тlал жеда!
Четин я,эхь,инсанвилин рекье хьун,
Мадни четин-акьул масдан кьиле тун...
И дуьньядал виридалай герекди ,
Тушни,бес,лагь,жуван намус вине хьун?!
Намус герек я!
© Copyright: Марьям Алискерова, 2016
Свидетельство о публикации №116053106391
Свидетельство о публикации №116053106391
Рецензии