Са тlимил герек я инсандиз
Тlимилни гзаф.
Авай велвела,
Квахьрай лугьуз,тек кьве хъсан гаф,
Дуьшуьш хьайидан хъвер,
Легьзед цlай кьадай,
Садни назик гъилер,гьакl са хкьадай.
(Легьзед цlай кьунар,
Ва назик гъилерин гьакl са хкьунар).
Са тlимил герек я инсандиз
Са тlимил-герек.
Яргъал чкайрай
Вун хайи кlвализ хутхудай са рехъ,
Са шеле кlарас,
Къул чимун патахъай жуван,къайи тир,
Йифен секинвал,
Ахварар-кутадай кичlе,галачир.
Са тlимил герек я инсандиз
Тlимил,са жизви.
Ттум вичин къвекуьраз,гуьрцелни,
Гуьзетрай кицlи,
Зегьем квай гьавада акьурай
Чина таза гар
Авурай,вуж ятlани,садра
(Ийиз хьуй,вуж ятlани сада)
Вакай фикирар.
Са тlимил герек я инсандиз...
Е. Евтушенко
© Copyright: Намик Фарзалиев, 2016
Свидетельство о публикации №116053004195
Свидетельство о публикации №116053004195
Рецензии