Гьейран хьана зун,ви къамат акуна,
Гьейран жеда гьар са касни,килигай.
Ийер шикил,зи рикlе на цlай туна,
Гьин устардин,хкатна вун,гъиликай?
Яргъи кифер,шуькуь гардан,ийер тан...
Са малайик акур хьтин хьана заз.
Инсанд бала икьван гуьзел жедач кьван...
Ахъайна сирр,лагь вуж я вун,ша на заз.
Ахвар я им...лугьуз хьана за пара,
Ви ишигъдин хъен акьалтна вилерал.
Зи хиялар экъвез тир вахъ цавара,
Бахтар аку-дуьшуьш хьана чилерал.
Зи бахт
© Copyright: Намик Фарзалиев, 2016
Свидетельство о публикации №116052702743
Свидетельство о публикации №116052702743
Рецензии