Битмишардай гьар са майва
Авай михьи кьезил гьава,
Чандилайни вун заз багьа
Я, зи рикIин перде, Ватан.
Дидеди ви лувак хайи,
Заз бахтавар уьмуьр гайи,
Зун марвардин цуьк хьиз хвейи
Вун зи бахт я еке, Ватан.
ЧIехи авур зун хъуьтуьл фал,
Ашукь хьанвай гьамиша вал,
За кхьизва вакай къе чIал,
Шадвал аваз рикIе Ватан.
Ийизмай кьван рикIи кIвалах,
Ийидайвал на зал дамах,
За сафдиз хуьз жуван бапIах
Къуллугъда ваз, диде Ватан.
Ватан
© Copyright: Садых Гаджиев, 2016
Свидетельство о публикации №116052606069
Свидетельство о публикации №116052606069
Рецензии