Гьар зуьрхъуьмдаз т1ал лагьана, т1ал абурдай авуд тийин,
Рагъ акуна рик1 аватиз, жув мич1ерив агуд тийин.
Сагърай лугьун иер ят1ан, салам гунив агакьдай туш,
Гъвеч1и- ч1ехи, абур- гьая садран рик1яй акъуд тийин.
Гьар кардилай четин кар я, таб галачиз шиир кхьин,
Чандиз пара чан- рик1 ийиз, руьгь рик1елай алуд тийин.
Винел татай хазина хьиз, квахьда гъвел-гъвел са ч1ехи эл,
Са ч1авузни инсандивай Дидедин ч1ал къакъуд тийин.
Гьална физвай вичин карван, акьурт1ани дабанда къван
Шаир Эйваз гъариб туна, шердин хура галуд тийин.
гъезел
© Copyright: Эйваз Гуьлалийрин, 2016
Свидетельство о публикации №116051403596
Свидетельство о публикации №116051403596
Рецензии