К. Симонов Жди меня

Гуьзета вуна зун,зуни хкведа.
Амма гуьзетиз хьухь вуна гзафни,
Гуьзета,рикlериз гудай береда,
Сефилвал,пашманвал,хъипи марфари,
Гуьзета,живери саврухдай чlавуз,
Гуьзета,гьавадай зегьем ргайла,
Гуьзета,масадбур артух накьан къуз,
Алудна,хъейизмач гуьзет,рикlелай.
Гуьзета,мус яргъал,гъариб чкайрай
Мад хтун хъейидач чарар,кагъазар,
Гуьзета,санални гуьзлемишзавай
Вирибур,гуьзетиз хьайила бизар.

Гуьзета вуна зун,зуни хкведа,
Тlалабиз межер вун хийирар акlа
Виридаз,низ чизва хуралай,жеда,
Рикlелай ракъурдай гила вахт я.
Чlалахъ хьуй дидени,хвани чlалахъ хьуй
Зи аламачирдан экуь дуьньядал,
Дустарни галатрай гуьзетиз зун,къуй,
Агатна,ацукьрай икl цlайун патав,
Туькьуьл чехирдикай хурай датlана
Зи руьгь рикlел хкиз дуьа авурай...
Гуьзета.Абурихъ галаз сад хьана
Къачумир тади на-вун хваз тахьурай.

Гуьзета вуна зун,зуни хкведа,
Авай кьван кьиникьрин виридан хъиляй.
Гьида гуьзлемишначтlа зун,къуй ада
Лугьурай:-Бахтуни гъана,а кьиляй.
Гуьзлемиш тавурбур гьатдач гъавурда,
Гьикlа ялаврини цlаярин къене
Гуьзлемиш авуниг и жуван,акlа
Кьиникай хкудна вуна зун,хена.
Чир жеда,зун гикlа амукьна сагъдиз,
Анжахни чаз кьведаз,дуьнья амайни-
Гьакl вавай алакьна гуьзлемиш ийиз,
Тежервал регьятдиз мад садавайни.