Рамазан. На кумыкском языке

Рамазан ай геле бизге чомартлы
Есни рагьмусуна дюрбюз гьажатлы.
Сен толтур о айны этип ибадат
Къуран охуп, оразаны эт адат

Аллагь учун тутгъанда сен ораза
Сигарет-ичкини къойма алгъаса.
Гьарам иш Аллагьны дюрдюр Ачуву
Азабындан ёкъдур сагъа къачуву.

Тауба этип къайт Аллагьны Ёлуна
Уялмаймусан зувабынгы ёгъуна?
Очу сагъа ризкъ толтуруп береген
Яратгъан сонг, гьалынгыда билеген.

Очу сени гьар гюн гёруп турагъан
Эшитеген, Гючлю, даим Болагъан,
Уял бир аз болма Огъар биябыр
Гёрежексен Ондан бир тюрлю абур.

Ибадатынгы бир Огъар багъышлап
Аулияланыда къойма сен ташлап
Сен тиле Аллагьдан олагъа гечмек
Тек гьарам Ондан къайрыдан тилемек.

Тек гьарам Ондан къайрыгъа таянмакъ
Ондан къайрыдан женнетни таламакъ
Ондан къайрыны юрекден сюймеге
Оьзюн янчып, ял барып гёрюнмеге.

Зияратланы юрекден сыйлама
Бола деп олар Аллагьгъа ял барма-
Айтма сен Аллагьгъа уллу сёзлени
Къой еринде ухлама оьлгенлени!

Сен Ессинге багъышла юрегинги
Бир Ондан тиле гьар гюн герегинги
Шюкюрлюк бер Рамазанны гёргенге
Нечев гёрмей гёмюлгенлер теренге

Тек бу йыл болдунг савланы ичинде
Сен тынгла бу Аллагьны гьакъ сёзюне
«Гьей иман салгъанлар, сизге ораза
Борч болду!» Ва Элчиси ; булай айта:

«Женнетни бар къапулары «Ар-Раййан»
Гирер ондан ораза тутгъан инсан
Ондан къайры инсанлагъа ябылып»
Шонда гёрер оразасын табылып!

«Рамазан ай ораза тутгъан инсан
Умут этип зувабына Аллагьдан
Гечилежек алда болгъан гунагьы»
Етишмежек о гунагьны балагьы!

Къыяматда, къыйынлы Гюн гелгенде
Адам яхшы ишлерин излейгенде
Шапаат этир ону учун ораза
Аш къазанын сакълагъандеп бу таза

Шагьватына гёре бу юрюмеген
Нас сёз булан авузун бёлемеген
Сени макътап, я Ессим, бу сакъланган
Рамазанны гьар гюнюн бу толтургъан

Ибадатдан, ону учун Сен Рагьму сын
Бу мискинни Сен гётер даражасын
Шолай гьар иш Ессине багъышланган
Таселмей, Ессинг онланы бек жийгъан!

Артдырып ону сыйлы даражасын
Къайтарыр сагъа, текмей чачмай башын
Сыйлагъан саялы янгыз сен Ону
Ата анангы бек ачылыр гёнгю

Сен сыйла Ессинги гьар гюн юрекде
Сужуд этип гёрюн Огъар герекде
Ондан къайрыны ес этме оьзюнге
Къалажаксан джагьаннемни тюбюнде

Рамазан уллу умутдюр инсанга
Тауба этип къайтмагъа Яратгъанга
Гьокунюп гьар бир этген гюнагьына
Этмей къалса Рамазандан къайрыда

Бугюн мени тюзленеген гюнюмдюр
Пайхамарым ; герсетген ёл - ёлумдюр
Бир Аллагьгъа ибадатым багъышлап
Янгы бетден ислам яшавум башлап!