Шумуд йиса к1елай мектеб,
Муаллимар, вахар, дустар.
Дарух я рик1, вуч я себеб?
Куьтягь хьана к1елай вахтар.
Вегьезва к1вач ц1ийи рекьиз,
Туна мектеб, аял вахтар.
Вуч аквадат1(а) жуван вилиз,
Акъатдат1а гьиниз дустар?
Акьул гайи, чирай к1елиз,
Диде, буба - муаллимар.
Сагърай терби (я) гайи кьилиз,
Галаз стхаярни, вахар.
Йисар фена акъатна ик1,
Пай жеда чун, гьарнихъ са сад.
Вахтар фей(и)ла, вири гьа ик1,
К1ват1на жеда Сувар са шад.
Зи япара зенгинин ван,
Уьмуьрлухда амукьда ам.
Къенин юкъуз вегьезвай кам
Ачух хьурай чи гьар садан.
Эхиримжи зенг
© Copyright: Назиль Махмуд 76, 2016
Свидетельство о публикации №116051207182
Свидетельство о публикации №116051207182
Рецензии