Чалахъ жемир,ни лагьайтlан,ви наз чlугун азаб я заз,
Ви назунал къугъвай са югъ,са уьмуьрдай гьисаб я заз.
Заз назариз хкуда на,рикlиквай,цацар,жуван,
Им я ви къаст-авач лугьуз гьикьван кlантlан на табя заз.
Назар гзафни заз ая-инжикли туш стlални зун,
Кеф чlурдайди,ви рикlевай а муркадин къаяб я,заз.
Эрк квачир са низ ятlан гудач хьи,мад назар вуна-
Гьар гъвечlи наз зи ашкъидиз,вуна гузвай,жаваб я заз.
Жедай кьадар чlуга кефер-авайникьван це заз назар,
Назар чlугуз,чан вугунар-кlанивалин запаб я,заз.
Гун паталди жазаяр заз,экъвез тахьуй чара рекьер,
Ви гъилевай зегьердини шуьше,виртед са къаб я заз.
Вуч гьевес я Намиканди,чидач,амма завай хьайтlа,
Ахварани акун бес я,садра лугьуз,вун паб я заз.
Къезел
© Copyright: Намик Фарзалиев, 2016
Свидетельство о публикации №116050802962
Свидетельство о публикации №116050802962
Рецензии