Г1алг1ай къаман эрсий ц1ераш

Тембенаькъан Мусай Мухьаммад

Наьсарерча хьаьна колдаш витац со г1а баккха
Х1ара пхьоаг1ат я цига цунах яьккха
Х1аьта вац цу х1аман шека со,водаш ва сихавенна
Йо1и хозача дешах тийша,1ехавенна


Наьсарерча соцале хьежаш я сога Натали
1а сога хоатт из малий,вай къаман из йий
Из цун да,д1а, Борис вий,оаг1ара тилла кий?
Хьан аргда из г1алг1а ва,юха г1оргволаш ц1авена вий?

Из цун да, д1а Борис ва,Боря оал цох наха
1адлопа 1аббас во1а ва,эрсашта юкъе ваьха
Ц1авенав х1анз ший дай баьхача,1аьма вац лаьтт аха
Хала-м хургда, хьанаьхка,г1алг1ашта юкъе ваха

Эрсий ц1ераш х1ана техкай,хетт 1а цецваьнна
Х1ана бувца цар эрсий мотт,шоай мотт хийра баьнна
Уйла ю жоп дала аьнна,уйлашца воал со гаьна
Кулгашца лаьца корт латт со юстара ваьнна

Цу х1аман сога дала жоп дац,иштта да вай хьал х1анз
Аьла товра мара дергдац лай волча сага,валлалца
Цу х1амах са кхета низ бац,из-м эшаш дацар
Мича хьош бар ер никъ аз,со чуводаш вацар?