Дагъларавай къалин живер цlрайла,
Рука,тlама гатфарин руьгь ргайла,
Гъил къачуна рехи хьанвай чlарарлай,
Гьим кьакьан я-зун а синел хкведа.
Зун хкведа гатун чими цикlериз,
Хъфида мад эхъуьз серин кьерериз.
Эхи тежез дагъдин вацlун мекьериз
Ярх жез,чими къванцин винел,хкведа.
Уьмуьрдини зурала фей вахтар я,
Вуч хъжеда яш фена луз агьарнал?
Са зулухъди,кьиникь энгел тахьайтlа,
Зун Ватандин хайи чилел хкведа.
Геж хьана мад,гъил ахгакьдач туьгьметрив...
Кьисмет жеда хъуьтlуьн са къуз,гьелбетни.
Чи кьуьзекрин а мезели сугьбетрик
Яб акализ,хуьруьн кимел хкведа.
Дидед:-фимир,-ван сивемаз фенай зун,
Жегьилвалин цlай кьилемаз,фенай зун.
Са жуьт ийер вил рекъемаз фенай зун-
Аламатlа лугьуз рикlел,хкведа.
Зун хкведа
© Copyright: Намик Фарзалиев, 2016
Свидетельство о публикации №116042605724
Свидетельство о публикации №116042605724
Рецензии