***
Я вахт авач,
Яни бахт,
Я гъам авач,
Я илгьам,
Авач часпар, я усун,
Рахун авач, я кисун,
Гьалал авач, гьарамни,
Я шадни туш, хурамни.
Я кIвал авач,
яни къал,
Я нагъв авач,
яни цIвагъ.
Мехъер авач,
мел авач,
Инсанд кутур жигъир авач,
гел авач.
Я дуст авач, душманни,
Я шадни туш,
пашманни.
Я цуьк авач, я цуьк гурд,
Я кканидаз цуьк атIурд.
Я са эвер,гьай авач,
Я дамах гвай май авач.
Я дин авач, иманни,
Я тIал авач, дарманни…
Чилин шардилай анихъ…
Гъетер ава ккуз…
Секин ва ялгъуз…
Ава килигиз
Чи шардиз Чилин.
КуькIуьз элуьхъиз.
17.03.2016
я вахт авач...
© Copyright: Римма Гаджимурадова, 2016
Свидетельство о публикации №116041808020
Свидетельство о публикации №116041808020
Рецензии
