Кlан я хьи,йиф,заз вун секин тирвиляй,
Зи рикlин сир хаинрикай хуьрвиляй.
Вахъ галаз за гьялзава зи дердияр,
Лап рикlивай зал ихтибар гъирвиляй.
Гьахьзава зун деринриз лап йиферин,
Гужахдаваз,нурар гузва гъетерин...
Дердийрикай зи са гьабруз хабар я,
Зунни абур лап кlеви тир дустар я.
Заз кlан я вун,йиф,къвезватlан югъ гьайиф,
Кузва хьи зун, са гъед хьана,зун,зайиф...
Рикl секин туш...зун са гъамлу къвед я хьи,
Гъетер гзаф,зун текзавай гъед я хьи.
Яраб, куьмек гуда жал заз йифери?
Яраб,зи гъед жагъурда жал гъетери?
Кlанарда жал,йифер хьиз,заз йикъарни,
Са мус ятlан рикlел авур хирери?!
Заз кlан я вун, йиф!
© Copyright: Марьям Алискерова, 2016
Свидетельство о публикации №116041701762
Свидетельство о публикации №116041701762
Рецензии
