Чаз Шемширан ван атурай

Чими хьунвай гатфар гьава,
Лифер жеда лув гуз цава.
Гьар са тIалдин дарман-дава,
ТIебиатдал чан атурай!
Чуьнгуьр ягъиз, лугьуз мани,
Ашукьрикай сад тир кIани,
Чаз Шемширан ван атурай!

Кьакьан дагълар,пIирер яйлах,
Къуд пад абуземзем булах,
Фаризатни галаз къвалахъ,
ТIебиатдал чан атурай!
КIватIал хьана ярар дустар,
Лезги халкьдин ашукь-устIар,
Чаз Шемширан ван атурай!

Къарагъ, Ширин, яб це жуван,
Кьегьел хциз, яшдиз жаван.
Япараваз чуьнгуьрдин ван,
ТIебиатдал чан атурай!
Къачурди хьиз Дербент къеле,
Тхузвай шад межлис къиле,
Чаз Шемширан ван атурай!

Лезги халкьдихъ къадим тарих,
Къагьриманар ава лайих.
Сабурдив кьаз чидай къилих,
ТIебиатдал чан атурай!
Айдин стха, сес тир ширин,
Гьар манидин мана дериз,
Чаз Шемширан ван атурай!

Шад юбилей ийиз алхиш,
Ийизва за шиир багъиш.
Чуьнгуьрдаллай гьар са нехиш,
ТIебиатдал чан атурай!
Сажидин, на явашра сес,
Авур кьадар тарифар бес,
Чаз Шемширан ван атурай!