Лезги халкьдин акьуллу ва гъейратлу руш,Жуванбурин сисадмин Бести вахаз
Завай цlийи шиир кlандай иер вах,
Верцивал,ви мецен,шиир тушни бес!?
Вун чи багъри халкьдин дамах я,дамах,
Хьана кlанда виридаз чир,тушни бес!?
Куькlуьрна рикl,халкьдин рекъе кузва на,
Дидед чlалаз таза нефес гузва на.
Багъри элдин дерт жуваз сад изва на,
Пайиз адан хийир-шийир,тушни бес!?
Хци гафар акъатда ви къелемдай,
Ви цlарафар ргазава илимдай.
Дакlандайбур гьайран яз гьар келимадал-
Квадарзава ийир-тийир,тушни бес!?
Давамизни рекъиз Ватандин руша,
Хуш хабар гуй Жуванбуриз гьамиша.
Тежез хьайтlа элдин патай алхишар-
Гъил къачу мад,фикир мейир,тушни бес!?
Тушни бес?
© Copyright: Намик Фарзалиев, 2016
Свидетельство о публикации №116041504758
Свидетельство о публикации №116041504758
Рецензии