Хьана
Ватандин гьар са чlиб ччил заз кlан хьана.
Лезги авай виринар заз ватан я,
Азербайжан,яни Дагъустан хьана.
Хиялрай гзаф мурадар фенатlан,
Адан рекье эцигдай-са чан хьана.
Лугьузвач за гьакlни гафун хатирдай,
Чанни гун адаз-зи эрзиман хьана.
Вичин ватан кlан тийидай кас жедан?
Аватlа,жен бежягьат,инсан хьана.
Зи Ватан-ам дагъларай гишир авай
Са шикил я-хупl ийер макан хьана.
Адаз къведай къада-бала заз хьурай,
Кlанда заз ам даим фираван хьана.
Ватан абад хьурай даим,гьамиша,
Кlанда са багъ хьиз ам гуьлуьшан хьана.
Гужлу хьурай зи Ватан-гьам кlанда заз,
Рухаярни гьар сад са аслан хьана.
Гъурбатра за яшайишна,уьмуьрна,
Ватанда анжах,зи рикl кубан хьана.
Гзаф уьмуьр акъатна зи чаранра,
Суруз хьайтlан кьисмет хьуй-унван хьана.
Ватан патал рекьиз кьисмет тахьайтlа,
Лагь,Намиказ гьакl са кьуру ван хьана.
Свидетельство о публикации №116041504637