А. С. Пушкин Письмо Татьяны к Онегину

За квез чар кхьизва-артух вуч хьурай?
Вуч лугьу жеда хьи,са мадни завай?
Гилани,заз чида,куьд я ихтияр
Жаза гуз нифретдив,кьуна алчахдай.
Амма кьисметдиз зи,тушир бахтавар,
Са стlал кьадарни язухвал хена,
Жедач куьн зун туна,гадариз фена.
Талгьана,кlан хьана кисун сифте заз;
И русвагьвални зи,куьн чlалахъ хьухь хьи:
Жедачир квез чирни гьич са чlавузни,
Хьанайтlа са гъвечlи умуд кьван аваз
Тек-бирдиз,гьафтеда садра,са жуьре
Аквадайвал жедай куьн заз чи хуьре,
Гьидайвал анжахни куь рахунар заз,
Сифте са гаф лугьун,адалай кьулухъ
Фикирин илигна,аламай йиф,югъ
Чи цlийи гуьруьшдал,рикlе са шеъ кьаз.
Амма куьн инсанрик акахьдач лугьуз
Гаф ава;хуьре куьн жеда дарих яз,
Чунни хьи...мичlи я,ава нур тагуз,
Лап квел шад ятlани,рикlни ачух кьаз.

Атана чи патаз бес куьн вучизни?
Рикlелай алатай са хуьруьн кlеве
Зазни аквадачир куьн са чlавузни,
Туькьуьл азабарни чир жедачир къе.
И къалабулухни зи наши рикlе
Умунна замандалдини(чида гьикl?),
Жуван рикlиз чими са дуст жугъурдай,
Закайни вафалу тир са паб жедай
Садни диде жез тир,квай хъсан къилих.

Масади...Садазни,ваъ,и дуьньяда
Вугуни идачир жуван гевил за!
Ам кьат гьанвайд я вини кьакьанда...
Цавун ихтияр я ам:зун види я;
Битав уьмуьрни зи замин,гирав тир
Са керчек гуьруьшдин,жедай вахъ галаз;
Чида,дугурнава вун заз аллагьди,
Рекьидалдини зи,вун я хуьдай кас...
Вун заз ахварайни даим аквазвай
Вилиз акунтизни,заз вун тир азиз,
Ви ажайиб вилер авай азаб из,
Хкаж жезни рикlе ви ван гьатзавай
Фадлайни...ваъ,има ахвар тушир хьи!
Жизви вун гьахьунмаз,заз чир хъгьана,
Ялав акатна зав,зун гъуьргъуь хьана
Ингье ам:рикlяйни авуна фикир!
Дуьз тушни?Ви ван тир япари гьатуз:
Рахазвай захъ галаз вун секинвилиг,
За кесибриз куьмек ийидай чlавуз
Яхуд дуьа кlелна,ийизвай агъуз
Дарихвал,кутканвай,зурзазвай рикlик?
Бес гьа и легьзеда вун туширни хьи,
Зи играми хиял,карагай шикил,
Са уьтери,ашкар мичlяй акъатна,
Явашдиз агатнай зи месин кьилик?
Вун туширни хьи,бес ашкъиг,шадвилиг,
Умуддин гафар заз кушкушиз гьатнай?
Вуж я вун,малайик ян вун,зун хуьдай,
Яхуд пис фендигар,рекьяй акъуддай:
Вуна гьял айатlун и зи шак гъунар.
Белке буш я ибур,вирини сад я,
Я наши са рикlин ягъалмишунар!
Пелел кхьенвайди михьиз масад я...
Хьурай къуй мад гьикlа!Кьисмет,захъ авай
Ви гъиле вугузва за къедлай кьулухъ,
Ви вилик за накъвар авадарзава,
За минетзава ваз,вун заз далу хьухь...
Гъваш вуна хиялдиз:зун тек я ина,
Тек сад зи гъавурда акьазвач тамам,
Акьулни ава зи,атlана аман,
Телеф хьана кlанда зун гила кисна.
За вун гуьзетзава:килигуниг са
Вуна дири хъая рикlин умудар
Залан ахварай зун яхуд авуда,
Вуч гьайиф,ийизни туьгьмет,лайих заз!

Куьтягьзава!Мад кlел хъийиз кичlе я...
Къах хьана амазва зун лап айибдай...
Де ша куь намус за замин кьунава,
Ихтибарна за жув вугузва адав...

Перевод:Н.Ф.