Я жемят,фагьума куьне,
Ажеб пис давран хьана хьи.
Цlай гьатайди вичин къене,
Чи Гомеран кlвал кана хьи.
Шаирдин кlвал кана михьиз...
Вуч атана чlуру гъилиз?
Атанатlа-хьурай чаз гьиз
Вич кьена,игьсан хьана хьи.
Суьлейманан кlвал тушир ам,
Ам чи кlвал тир-чаз хьана гъам.
Дидедин нек хьурай гъарам,
Вуч алчах инсан хьана хьи.
Я намертди,ахъая сирр,
Вучиз кана,себеб вуч тир?
Вуч хьана кьван кlвалин тахсир?
Вун халкьдин душман хьана хьи.
Са кума гъанач арадиз,
Кlвал кана уьзуькъаради.
Низ вучнавай фугъаради,
Ваз вуч ихтияр хьана хьи?
Ам са дагъ я,ам са кукlуш,
Кlвал каналди гъвечlи жез туш.
Горке Максимаз хьайид,хуш,
Тек са Суьлейман хьана хьи.
Кьилел аллагьдин нур алай,
Кхьи тежез-луз хуралай...
Вилик фена вун угъридлай-
Вун лап са гьайван хьана хьи.
Дережеяр хьана аскlан,
Музеяр куз ава инсан.
Диндикай алукlиз маска-
Батинда шайтан хьана хьи.
Суьлейманан кlвал кана хьи...
© Copyright: Намик Фарзалиев, 2016
Свидетельство о публикации №116041504630
Свидетельство о публикации №116041504630
Рецензии