Семени!Ша гила ман!
На цlура и жив,чилемай.
Гатфар атуй гваз чимияр,
Кlвенкlвевазни-зи кани яр.
Семени!Фад ая ман!
Куьтягь хьурай кьуьд,аламай.
Яран сувар мад атурай,
Лагь зи ярдиз,зав хтурай.
Семени!Вун гьинама?
Ви гьалвадик вил галама.
Яр хтурай гьалваяриз,
Гила вахт туш талбаяриз.
Семени!Зун хъилева!
Ви суьмбуьлар зи гъилема...
Зав зи кани яр хтанач,
Зи рикlин сувар хтанач...
Семени
© Copyright: Намик Фарзалиев, 2016
Свидетельство о публикации №116041504624
Свидетельство о публикации №116041504624
Рецензии