Жумма махлукьатдин-чаналайбурин
Вун я виридлайни ийерд,дишегьли.
Вун чи намусни я,ягьни,абурни,
Тахьуй ви уьмуьрда цифер,дишегьли.
Диде,хала,эме,вах,баде,руш-я,
Галачир яшайиш вуч яшайиш я?
Яр хьана,гевилдиз багьа бахшиш я-
Тlвар ашкъи тир багъдин цуькер,дишегьли.
Чlехи мана ква тlварцик-туш ади,
Намерт я аватlа,чидачир,къадир,
Цавари чилерал ганавай надир
Бегьер я,нуьбар я,никер-дишегьли.
Вун галай квалахар гъилиз асант я,
Базан яб гудач ваз-им чи нуьхъсан я,
Жедайд я гъалатар-чунни инсан я,
Рекъе твах на са гьал,тегьер,дишегьли.
Дишегьли
© Copyright: Намик Фарзалиев, 2016
Свидетельство о публикации №116041504617
Свидетельство о публикации №116041504617
Рецензии