"Март акъатда-дерт акъатда",-лугьуда,
Мартни фена,пара хьана дердер зи.
Чlалахъ тежер,гьатна зун,са суьгьуьрда-
Къанницlусадан мартдиз фена диде зи.
Март акъатнан-лугьудай кьуьд акъатна.
Зал атайла и гафарни дуьз хьанач.
И мартиниз зи дердер кьуд акъатна,
Кьуьд фена,бес зи рикlе кьуьд куьз хьанай?
И мартина зи рикl ажеб хана хьи,
И мартина зи кефийриг хкlуна.
Вилин нагъв зи авахьна сел хьана хьи-
Зи хура са сагъ техжедай хер ттуна.
Эвелра хьиз,гатфарарни къведалди
Рикlе жедай шадвилерни амач мад.
Хъецик гатфар,рикlера кьуьд жедалди
Чуьлда яргъи кьуьд хьун тушни саламат!?
Март-дерт...
© Copyright: Намик Фарзалиев, 2016
Свидетельство о публикации №116041504610
Свидетельство о публикации №116041504610
Рецензии