А. С. Пушкин Хиве кьун

Заз Куьн кlанда,жезватlани зун пехъи,
Ятlан мад руьсвагьвал,зегьмет гьаваян,
И кlамашвални зи,бахтсуз яз авай
Хиве кьаз,кlвачик Куь,зун хьанва яргъи!
Я чиниз кутугдач,я зи яшариз...
Вахтни я,вахтни мад акьуллу жезни!
Амма белед я зун вири лишанриз
Ашкъидин азар я чандавайди зи:
Куьн тахьай дарих жез,сив къакъунзава;
Куь патав сефил я,эхиз ава зун;
Такьатни амач хьи лугьуз,кlанзава,
Я чан зи малайик,гьикl кlанда заз Куьн!
Атайла,мугьманар кьабулдай кlвалай
Куь кьезил кьадамрин,блушкадин ван,
Яни рушвал гумай,сафвалар галай,
Куь сес-там квадарза акьул за жуван,
Куьне хъверзаватlа-хвеши жеда заз;
Элкъуьрда чин анухъ-акъатда зи рикl;
Са къан азабриз зи бес я-пишкеш яз
Куь а гъил,кьунавай хъипи рангари.
Ацукьна ттарцик Куьн алахъдай чlавуз
Са ментешвилелди авуна агъуз
Вилерни,а бурма чlарарни галаз,-
Кисна тамашзава за леззет къачуз
Аял хьиз,рикlизни хуш яз,чими яз!..
Ахъайдан Квез за зи бахтсузваликай,
Яраб кандатlа луз за чlугазвай гъам,
Чlимел гьавайрик Куьн гьазур хьайила,
Гагь-гагь,къекъуьн патал,чкаяр яргъал?
Куь вилин накъваркай,ийизвай текдиз,
Пlипlера кьведани санал рахункай,
Сиягьатдикайни а,Опочкадиз,
Нянизни фортепиано ягъункай?..
Алина!язух ша зи,авуна рикl
Жедач кьван тlалабун за ашкъи Квевай.
Белкини гуьнагьрин себебдай,авай,
Туш лайих севгидиз зун,зи малаик!
Де ая амалар!И килигзавай
Вилери къалурда вири лап хъсан!
Агь!Зун алцуррунни я пара асант!...
Алцурар хьунариз зун чеб гьазур я.

Перевёл Н.Ф.