Гуьзел инсан ва гуьзелни муаллим тир Гуьзеля Гьасановадиз
Инсандин хва акъуддайди,эквериз,
Улубар я-буьркьуьдазни им чида.
Арифарда и дуьньядин сирериз,
Улубар нур-авамвалин къалум я.
Илимар я,чарарин пар-улубрин,
Жеда абур гьар жуьредин кlалубрин.
Жавабар я чи суалрин,тlалабрин-
Лагьайтlа жез,гьар улуб-са алим я.
Амма ала и дуьньядал са инсан,
Кlелиз чирда,кхьиз чирда чаз хъсан.
Гьар са легьзе адан уьмуьрдин,масан,
Чаз пишкешдай тербия я,талим я.
Бейниравай мичlивалар акъудда,
Чиркер,кьарар акьулравай къакъудда.
Чун илимрив,илимар чав агудда-
Вични пак я,тlварни пак-ам МУАЛЛИМ я!
Муаллим
© Copyright: Намик Фарзалиев, 2016
Свидетельство о публикации №116041504559
Свидетельство о публикации №116041504559
Рецензии