Суна лугьун,пери лугьун,туштlа гьуьруь лугьун за ваз,
Дигай гафар жагъуриз зи мез я куьруь,лугьун за ваз.
Кар я тежер квалах хьана,жузуртlа зи кефер вуна,
Вун вилериз акур къалай гьал я чlуру,лугьун за ваз.
Килигмир гьич хъеце патаз-къеневайди ялав я зи,
Ихтияр це,чандавай дердисер вири лугьун за ваз.
Агьил,жегьил авайди туш-мугьуббатди гатайла рак,
Машатни туш кlанивилиз рехуь чуьруь,лугьун за ваз.
Де ша гила,зал атайла,тупlувди къалгьуриз,-Межнун,-
Ягьанатиз хъуьрерзава битав хуьруь,лугьун за ваз.
"Гьатмир цlийи гьевесра вун,айиб жеда,"-лугьузвай дуст,
"Руьгь цlийи я,ятlан са кlус зи тан цlуру,лугьун за ваз.
Вазни гевил аватlа (э)гер,гьич яб гумир чарабуриз,
Чи ашкъидин верци тlемер тахьуй цуру,лугьун за ваз.
Цаварин са савкьат я чаз и ашкъ,тапардач Намика,
Кьисметдин пай къачурла чин,жезни яру,лугьун за ваз.
Къезел
© Copyright: Намик Фарзалиев, 2016
Свидетельство о публикации №116041504547
Свидетельство о публикации №116041504547
Рецензии